Inxhinieri i Zhvillimit Inteligjent do të kontribuojë në zbatimin e projekteve të transformimit digjital të kompanisë përmes zhvillimit dhe integrimit të sistemeve moderne si Odoo ERP dhe zgjidhjeve të automatizimit. Ky pozicion kërkon aftësi të forta teknike në programim dhe integrim sistemesh, duke u fokusuar në optimizimin e proceseve dhe rritjen e efikasitetit organizativ.
Detyrat
- Zbaton projekte të personalizimit dhe integrimit të Odoo ERP në bashkëpunim me drejtuesin e departamentit
- Programon dhe zhvillon module specifike në Python, duke implementuar funksione të avancuara dhe zgjidhje të automatizuara
- Kryen testimin dhe implementimin e moduleve të reja ose përditësimeve të sistemeve ekzistuese.
- Merr pjesë në analizimin e kërkesave të brendshme dhe përkthimin e tyre në specifikime teknike.
- Bashkëpunon me ekipe të tjera për të siguruar integrimin e suksesshëm të sistemeve dhe aplikacioneve.
- Monitoron dhe optimizon performancën e sistemeve ERP dhe platformave të integruara.
- Përgatit dhe mirëmban dokumentacionin teknik për kodin, konfigurimet dhe proceset e zhvilluara.
- Asiston në trajnimin e përdoruesve fundorë për funksionalitetet e reja.
Kualifikimet
- Diplomë universitare në Inxhinieri Informatike, Teknologji Informacioni ose fusha të ngjashme.
- Përvojë në zhvillimin e sistemeve ERP, preferohet Odoo.
- Eksperiencë e mirë në Python dhe njohuri në HTML, JavaScript, XML.
- Njohuri bazë mbi bazat e të dhënave (PostgreSQL, MySQL) dhe API-të (REST, JSON-RPC).
- Aftësi për të punuar në ekip dhe për të menaxhuar prioritetet në një mjedis dinamik.
- Aftësi të mira analitike dhe zgjidhje problemesh.
- Njohja e industrisë së telekomunikacionit konsiderohet avantazh.
- Njohuri bazë në Git, DevOps dhe metodologjitë Agile (Scrum/Kanban).
Shënime
Të gjitha aplikimet do të trajtohen me konfidencialitet të plotë, në përputhje me dispozitat e ligjit nr. 124/2024 për mbrojtjen e të dhënave personale.